Psa 1 | PMA | STEP | Sien hel en koakeil: asesein rendemien koa meatin tatisa keil amul asani; armusiltei sakien onen meatin tisa keil, vuo arkapiltei vatal koakeil amumon tohtohien en tounah keil onen Ahi.

Psalms 1

Sien Onen Koakeil Ualien One Tahos

1 Sien hel en koakeil:
asesein rendemien koa meatin tatisa keil amul asani;
armusiltei sakien onen meatin tisa keil,
vuo arkapiltei vatal koakeil amumon tohtohien en tounah keil onen Ahi.
2 Vuo, keil avotin sien
navong along kat mengkatien onen Ahi,
meneai ka vongien, amurendemi.
3 Keil asuval vatiai koa mul en vali oai,
son heite mal en avong teni,
ka oute sakras varei vakou.
Tounah vasi koa amumoni tahos imok.

4 Ka meatin tatisa keil armuktei nek.
Keil asuval sume uit koa eang mul muh lini. ^{▼▼1:4 Navong amotein uit, asoni nesa ka eang mul kur sumeite va ha.}
5 Sakini, Ahi hesan mahien min meatin tatisa keil,
irtotei hetal koakeil ualien one tahos.
6 Ven koakeil ualien one tahos,
Ahi helosil kat keil ka hekur koe keil.
Ka koakeil ualien one tisa, amul en sise ten matien.